اے فور شیٹ سے کاغذ کی باریک و لمبی ترین پٹی کاٹ لی
بیجنگ(نیٹ نیوز)چینی آرگیمی آرٹسٹ نے ایک سال نہایت ہی محنت سے کاغذ کے ایک اے فور شیٹ کو 108 میٹر لمبی پٹیوں میں کاٹا تاکہ دنیا کا ایک منفرد ریکارڈ قائم ہوسکے۔
اس چینی فنکار کو جسے ہوٹز پیئی کے نام سے بھی جانا جاتا ہے وہ گنیز ورلڈ ریکارڈ کے حوالے سے اجنبی نہیں، اس نے ایک بار کاغذ کی ایک شیٹ (100) سے بنائے گئے سب سے زیادہ اوریگامی پھولوں کو تہہ کیا اور پھر اب تک کا سب سے بڑا اور یگامی گھونگا بنایالیکن اس سال اس نے اپنی اب تک کی سب سے زیادہ چیلنجنگ ریکارڈ کی کوشش کا آغاز کیا اور کاغذ کی سب سے طویل باریک پٹی کو ایک سنگل A4 شیٹ سے کاٹا۔ اس کام کے لیے اس نے تقریباً ایک سال مختلف اقسام پیپرز پر تجربات میں گزارے، جس میں کاغذ کو کاٹنے کی تکنیک اور آلات پر تجربات شامل ہیں۔
روزنامہ دنیا ایپ انسٹال کریں
