پاکستان آئی سی سی چیمپئنز ٹرافی ٹورنامنٹ کیلئے تیار :محسن نقوی
لاہور (سپورٹس ڈیسک ) چیئرمین پی سی بی محسن نقوی نے انگلینڈ و ویلز کرکٹ بورڈ کے چیئرمین رچرڈ تھامسن سے ملاقات کی ہے ۔
چیئرمین ای سی بی رچرڈ تھامسن نے چیمپئنز ٹرافی ٹورنامنٹ کے سلسلے میں محسن نقوی اور پی سی بی کے لئے نیک خواہشات کااظہار کرتے ہوئے کہا کہ انگلینڈ کا حالیہ دورہ پاکستان انتہائی شانداررہا، چیمپئنز ٹرافی ٹورنامنٹ کے لئے ہماری نیک تمنائیں پاکستان کے ساتھ ہیں۔ اس موقع پر محسن نقوی نے کہا کہ پاکستان آئی سی سی چیمپئنز ٹرافی ٹورنامنٹ کے لئے تیار ہے ، سٹیڈیمز کو جدید انداز میں اپ گریڈ کیا جا رہا ہے ، مہمان ٹیموں کو سٹیٹ گیسٹ کا پروٹوکول دیا جائے گا۔ رچرڈ تھامسن نے حالیہ دورہ کے دوران شاندار مہمانداری پرچیئرمین پی سی بی محسن نقوی کا شکریہ بھی ادا کیا ۔
روزنامہ دنیا ایپ انسٹال کریں
