واٹس ایپ کا کیمرے سے متعلق اہم فیچر پر کام جاری
نیویارک(نیٹ نیوز)ایک دلچسپ اپ ڈیٹ میں واٹس ایپ گیلری شیٹ پر ایک کیمرہ شارٹ کٹ متعارف کرانے جارہا ہے جس سے صارفین کسی بھی یادگاری لمحے کو اپنے دوستوں کے ساتھ فوری شیئر کر سکیں گے ۔
یہ نیا فیچر آنیوالی اپ ڈیٹ میں متعارف کرایا جائے گا جو کہ فی الحال اینڈرائیڈ 2.24.24.23 اپ ڈیٹ کیلئے بیٹا ٹیسٹرز کے طور پر لیے دستیاب ہوگا جو گوگل پلے سٹور سے ڈاؤن لوڈ ہوگا۔نئی خصوصیت گیلری شیٹ کے اندر کیمرہ کھولنے کیلئے ایک نیا انٹری پوائنٹ متعارف کرائیگی۔پہلے متعارف کرائی گئی ایک اپ ڈیٹ میں واٹس ایپ نے پچھلے کیمرہ انٹری پوائنٹ کی جگہ چیٹ بار سے فوٹو اور ویڈیو گیلری کھولنے کے لیے فیچر متعارف کرایا تھا۔ جس نے صارفین کے لیے متعدد مراحل سے گزرے بغیر اپنے گیلری کے مواد تک رسائی آسان بنا دی تھی۔
روزنامہ دنیا ایپ انسٹال کریں
