209سال پُرانے لائٹ ہاؤس سے 132 سال پرانا پیغام برآمد
واشنگٹن(نیٹ نیوز)سکاٹ لینڈ میں 209 برس پرانے لائٹ ہاؤس میں ایک انجینئر کو معائنے کے دوران 132 برس پُرانا بوتل میں بند پیغام دریافت ہوا ہے۔
نادرن لائٹ ہاؤس بورڈ کے ایک مکینیکل انجینئر روس رسل نے کورس ویل لائٹ ہاؤس میں موجود ایک الماری سے کچھ پینل ہٹائے تو وہاں دیوار کے اندر پوشیدہ ایک بوتل ملی۔روس رسل اور ان کی ٹیم نے رسی اور جھاڑو کا ہینڈل استعمال کرتے ہوئے بوتل کو وہاں سے نکالا اور لائٹ ہاؤس کی دیکھ بھال کرنے والے بیری ملر کے ساتھ مل کر اس کو کھولنے کی کوشش کی۔ بوتل کے اندر نوٹ میں 4 ستمبر 1892 کی تاریخ درج تھی اور ان تین انجینئروں کے نام لکھے تھے جنہوں نے 100 فٹ بلند لائٹ ہاؤس پر لائٹ نصب کی تھی۔ ان کے علاوہ لائٹ ہاؤس کے تین رکھوالوں کے نام بھی لکھے تھے۔
روزنامہ دنیا ایپ انسٹال کریں
