ایسا روبوٹ جو انسانوں کیطرح چلتے ہوئے لڑکھڑا جاتا ہے
لاہور(نیٹ نیوز)ٹیسلا کے ایک روبوٹ کا چلنے کا سٹائل اس وقت انٹرنیٹ پر وائرل ہوگیا ہے جب وہ ڈھلوان سے اترتے ہوئے انسان کی طرح لڑکھڑا جاتا ہے ۔
ٹیسلا کے Optimus نامی روبوٹ نے ایک ڈھلوان پر اپنے پہلے قدم اٹھائے تھے لیکن روبوٹ کی غیر مستحکم حرکت جو کسی شرابی شخص کی طرح چلنے کی نقل کررہی تھی، نے سوشل میڈیا پر ملے جلے رد عمل کو جنم دیا ہے ۔ چلنا ہمارے لیے ایک آسان عمل ہے لیکن روبوٹس کیلئے یہ ایک انجینئرنگ چیلنج ہے ۔ ٹیسلا کا آپٹیمس ایک حالیہ انسٹاگرام پوسٹ میں، اس جدوجہد کی مثال ہے ۔ پوسٹ کا کیپشن جس میں لکھا ہے ، انسانوں کی طرح چلنے کیلئے آپ کو پہلے انسان کی طرح لڑکھڑانا سیکھنا چاہیے ۔ یہ ویڈیو اس بات کی بھی ہمیں یاد دلاتی ہے کہ جدید روبوٹس کیلئے بھی انسان جیسی حرکت میں مہارت حاصل کرنے کیلئے وقت اور استقامت کی ضرورت ہے ۔
روزنامہ دنیا ایپ انسٹال کریں
