امریکی خاتون کا خلا میں سب سے زیادہ چہل قدمی کا ریکارڈ
واشنگٹن(نیٹ نیوز)ناسا کی خلاباز خاتون سنیتا ویلیمز نے خلا میں 62 گھنٹے کی مجموعی چہل قدمی کرکے نیا عالمی اعزاز حاصل کرلیا ،سنیتا نے سابق خلا باز پیگی وٹسن کے 60 گھنٹے 21 منٹ کے ریکارڈ کو پیچھے چھوڑ دیا ۔
یہ خبر بین الاقوامی خلائی سٹیشن (آئی ایس ایس) نے ایکس پر ایک پوسٹ کے ذریعے شیئر کی۔ سنیتا خلائی سٹیشن کے باہر تھیں اور ریڈیو کمیونیکیشن ہارڈویئر کو نکالنے کیلئے اپنا سپیس واک جاری رکھی ہوئی تھیں۔اس دوران سنیتا کو آئی ایس ایس کے ہارڈویئر کو برقرار رکھنے اور مزید تجزیہ کیلئے ڈیسٹینی لیبارٹری اور کویسٹ ایئر لاک سے سطحی مواد کے نمونے جمع کرنے کا کام سونپا گیا تھا۔یہ سپیس واک تقریباً صبح 8 بجے شروع ہوئی۔ ناسا نے یوٹیوب اور اسکی آفیشل ویب سائٹ پر بھی اس ایونٹ کو دکھایا جو 92 ویں امریکی خلائی چہل قدمی ہے ۔
روزنامہ دنیا ایپ انسٹال کریں
