جاپان میں بنایا گیا دنیا کا سب سے چھوٹا پارک
ٹوکیو(نیٹ نیوز)جاپان میں ناگائیزومی نامی ایک پارک کو دنیا کا سب سے چھوٹا پارک قرار دے دیا گیا۔ یہ پارک صرف ڈھائی مربع فٹ کا ہے ۔
دارالحکومت ٹوکیو سے ایک گھنٹے کے فاصلے پر ناگائیزومی ٹاؤن ہال کے قریب پارک 1988 میں علاقے کی کنسٹرکشن منیجمنٹ کے ملازم نے امریکا کے دورے سے واپسی پر بنایا تھا۔ملازم نے امریکا کے دورے پر ریاست اوریگون کے شہر پورٹ لینڈ میں موجود مِل اینڈز پارک (جس کا رقبہ 3.1 مربع ہے ، اس سے قبل یہ ریکارڈ ان کے پاس تھا) کا مشاہدہ ہوا۔کنسٹرکشن مینجمنٹ کے ایک ٹیم لیڈر شوجی کویاما نے گینیز ورلڈ ریکارڈز کو بتایا کہ مینجمنٹ اُس پارک سے چھوٹا پارک بنانا چاہتی تھی۔یہ پارک 1988 میں مکمل ہوگیا تھا اوراب ناگئیزومی پارک کو دنیا کا سب سے چھوٹا پارک قرار دیدیا گیا ہے ۔
روزنامہ دنیا ایپ انسٹال کریں
