قدیم چین میں مرد و خواتین کو قربان کیے جانیکا انکشاف
بیجنگ(نیٹ نیوز)ماہرینِ آثارِ قدیمہ کے سامنے ایسے شواہد آئے ہیں جن سے معلوم ہوتا ہے کہ چین میں ہزاروں برس قبل مرد و خواتین کو مختلف مقاصد کی وجہ سے قربان کیا جاتا تھا۔۔۔
چائنیز اکیڈمی آف سائنسز کے محققین کیمطابق 3800 سے 4300 برس قبل پتھر کے دور کے ایک معاشرے میں ایسے شواہد ملے ہیں جن کے مطابق وہاں مردوں اور عورتوں کو مختلف مقاصد کے لیے قربان کیا جاتا تھا۔ تحقیق میں پہلی بار مردوں کے اجتماعی طور پر دفن ہونے کے شواہد بھی سامنے آئے جن کا تعلق اس خطے میں انسان کی قربانی سے تھا۔ماہرین کا خیال ہے کہ قدیم معاشے میں دو قسم کی انسانی قربانیاں ہوتی تھیں۔ ایک میں مردوں کو اجتماعی طور پر دفن کیا جاتا تھا جو عوامی رسوم کی ادائیگی کے لیے ہوتی تھی جبکہ دوسری قسم میں اعلیٰ مرتبے کے لوگوں کی تدفین ہوتی تھی جن میں خواتین کو مردہ کے ساتھ دفن کر دیا جاتا تھا۔
