امریکا میں دنیا کی سب سے لمبی زبان رکھنے والا کتا
اوکلاہوما (نیٹ نیوز)امریکا کے پالتو کتے نے لمبی زبان گنیز ورلڈ ریکارڈ قائم کر دیا۔امریکی ریاست اوکلاہوما سے تعلق رکھنے والے ایک خاندان کے پالتو کتے اوزی نے زندہ کتوں میں سب سے لمبی زبان (7.83 انچ) کا گنیز ورلڈ ریکارڈ اپنے نام کر لیا۔
اس سے قبل یہ ریکارڈ ریاست الِینوائے کے شہر بلومنگٹن کے کتے راکی (5.46 انچ) کے پاس تھا۔ اس نے یہ ریکارڈ 2023 میں قائم کیا تھا۔کتے کی مالکن اینجلا پِک نے گنیز ورلڈ ریکارڈ سے گفتگو کرتے ہوئے کہا کہ جب سے ان کا کتا پیدا ہوا ہے تب سے اس کی زبان ہمیشہ باہر رہتی ہے ۔ اس کا دو بار جانوروں کے ڈاکٹروں نے معائنہ کیا ہے لیکن اس کو کوئی طبی مسئلہ لاحق نہیں۔ بس اس کی زبان غیر معمولی طور پر لمبی ہے ۔سوشل میڈیا صارفین اس ریکارڈ پر حیرانگی کا اظہار کر رہے ہیں۔
روزنامہ دنیا ایپ انسٹال کریں
