×

عجائب دنیا

وزن کم کرنے کے خواہشمندوں کے لئے انجیرمفید پھل

بند کریں

لاہور(نیٹ نیوز)انجیر غذائیت سے بھرپور پھل ہے ، جسے متوازن غذا کا حصہ بنایا جا سکتا ہے ۔

یہ ان افراد کیلئے مفید غذائی انتخاب ہو سکتا ہے جو اپنا وزن کم کرنے کی کوشش کر رہے ہیں تاہم صحتمند وزن برقرار رکھنے کیلئے ضروری ہے کہ جسم کی غذائی ضروریات پوری کرنے کیساتھ کیلوریز کے استعمال اور جسمانی سرگرمیوں کے درمیان توازن رکھا جائے ۔انجیر میں موجود غذائی ریشہ دیر تک پیٹ بھرے رہنے کا احساس برقرار رکھنے میں مدد دیتا ہے ، جس سے بار بار کچھ کھانے کی خواہش کم ہو سکتی ہے ، اس کے علاوہ یہ غذائی ریشہ آنتوں کی باقاعدہ فعالیت اور نظامِ ہاضمہ کی صحت کیلئے بھی اہم ہے ۔انجیر میں فِسِن نامی ایک خامرہ بھی پایا جاتا ہے ، جو ہاضمے کے دوران پروٹین کو توڑنے کے عمل میں کردار ادا کرتا ہے ،غذا میں شامل انجیر سے بھوک کو قابو میں رکھنے میں مدد ملتی ہے ۔

روزنامہ دنیا ایپ انسٹال کریں