رنچھوڑ لائن، دکانوں میں آگ لگنے سے سامان جل کر خاکستر
کراچی(این این آئی) رنچھوڑ لائن میں بھورا پیر پھول گلی میں واقع دو دکانوں میں اچانک آگ بھڑک اٹھی جس کے نتیجے میں دکانوں میں رکھا گیا سامان جل کر راکھ ہو گیا۔
ترجمان فائر بریگیڈ کے مطابق آگ موٹرسائیکل مکینک اور اسپیئر پارٹس کی دکان میں لگی تھی۔ اطلاع ملتے ہی فائر بریگیڈ کی گاڑی موقع پر پہنچی اور بروقت کارروائی کرتے ہوئے آگ پر قابو پا لیا۔فائر بریگیڈ کے مطابق آگ کے ایم سی کے نالے پر قائم دکانوں میں لگی تھی۔ آتشزدگی کے وقت دونوں دکانیں بند تھیں، جس کے باعث کسی جانی نقصان کی اطلاع نہیں ملی۔
روزنامہ دنیا ایپ انسٹال کریں
