نشتر کالونی بازار میں ہوائی فائرنگ پر 7ملزم گرفتار
ملزموں سے دوپستول ،پمپ ایکشن، گولیاں، زیر استعمال موٹر سائیکلیں ضبط
لاہور(کرائم رپورٹر)نشتر کالونی بازار میں سرعام ہوائی فائرنگ کرنے والے 7 ملزموں کو پولیس نے گرفتار کرلیا۔نشتر کالونی پولیس کے مطابق واقعے کی سی سی ٹی وی فوٹیج سامنے آئی ہے ، جس میں ملزموں کو بازار میں ہوائی فائرنگ کرتے دیکھا جاسکتا ہے ۔ گرفتار ملزموں میں حسنین، ذیشان، سکندر، احسان، علی ،سفیر اور محسن شامل ہیںجن کے قبضے سے 2 پستول، پمپ ایکشن اور گولیاں برآمد کرکے مقدمہ درج کرلیا گیا ہے ۔ پولیس نے ملزموں کے زیر استعمال موٹر سائیکلیں بھی تحویل میں لے لیں۔ ایس پی ماڈل ٹاؤن کاکہناہے کہ شہریوں کی جان و مال کو خطرے میں ڈالنے والے عناصر کیخلاف سخت کارروائیاں جاری ہیں،ہوائی فائرنگ میں ملوث ملزموں کیخلاف سخت قانونی کارروائی کی جائے گی۔
روزنامہ دنیا ایپ انسٹال کریں
Comments / رائے دیں
Share your thoughts. Comments are reviewed before they appear publicly.
Approved Comments