ٹرمپ کی اردن میں فوجی اڈے پر کارروائی کے جواب میں ایران پر شدید حملوں کی دھمکی
واشنگٹن: (دنیا نیوز) امریکی صدر ڈونلڈ ٹرمپ نے اردن میں فوجی اڈے پر حملوں کے جواب میں ایران کو سخت ردعمل کی دھمکی دیدی۔
امریکی صدر ڈونلڈ ٹرمپ نے امریکی میڈیا فاکس نیوز کو دیئے گئے انٹرویو میں کہا کہ ایران کے خلاف امریکی کارروائی انتہائی سخت ہوگی، امریکی صدر نے ایران کو ’ناکام ریاست‘ قرار دے دیا، انہوں نے کہا کہ ایران کے پاس مؤثر فوج موجود نہیں۔
ڈونلڈ ٹرمپ نے کہا کہ ایرانی حکومت پولیس اور فوجیوں کو تنخواہیں ادا نہیں کر پا رہی، امریکی صدر نے ایران میں افراط زر 300 فیصد تک پہنچنے کا دعویٰ کر دیا۔
امریکی صدر کا مزید کہنا تھا کہ ایران اس وقت شدید معاشی مشکلات اور دباؤ کا شکار ہے۔
Comments / رائے دیں
Share your thoughts. Comments are reviewed before they appear publicly.
Approved Comments