پہاڑی کی چوٹی سے لٹکا ہواگھر
آسٹریلیا میں ایک تعمیراتی کمپنی نے پہاڑ کے اوپر گھر تعمیر کرنے کے بجائے پہاڑ کی چوٹی سے لٹکے ہوئے ایک 5منزلہ گھر کا ڈیزائن تیار کیا ہے
سڈنی (نیٹ نیوز) آسٹریلیا میں ایک تعمیراتی کمپنی نے پہاڑ کے اوپر گھر تعمیر کرنے کے بجائے پہاڑ کی چوٹی سے لٹکے ہوئے ایک 5منزلہ گھر کا ڈیزائن تیار کیا ہے جس کو کیلف ہاؤس کا نام دیا گیا ہے ۔گھرمیں داخلے کا راستہ پہاڑ کی چوٹی سے جبکہ پورے گھر کے تین اطراف شیشے نصب کئے گئے ہیں جن سے سمندر کا خوبصورت نظارہ کیا جاسکے گا۔مزے کی بات یہ ہے کہ یہاں پڑوسیوں کا کوئی جھنجٹ نہیں ہوگا تاہم کمپنی نے اس کی تعمیر کی تاریخ کا اعلان نہیں کیا ہے ۔
روزنامہ دنیا ایپ انسٹال کریں
