شہاب ثاقب سمندر میں آگرا ،زمین آسمان روشنی سے نہاگئے
آسٹریلیا میں شہابِ ثاقب زمین پر آنے کا دلچسپ نظارہ دیکھا گیا
کینبرا (نیٹ نیوز)آسٹریلیا میں شہابِ ثاقب زمین پر آنے کا دلچسپ نظارہ دیکھا گیا ۔میڈیارپورٹس کے مطابق آسٹریلیا کے دارالحکومت کینبرا میں یہ انوکھا نظارہ اس وقت دیکھا گیا جب شہابِ ثاقب سمندر میں آگرا۔کینبرا کے مقامی لوگوں کا کہنا ہے کہ یہ نظارہ رات کی تاریکی میں دیکھا گیا، اندھیرے آسمان پرآگ کا یہ گولہ نہایت تیزی سے گزرتا ہوا زمین کی طرف آیا اورسمندر میں گرکر آسمان اور زمین دونوں کو اس طرح روشن کر دیا تھا جیسے کوئی لائٹ شو یا آتش بازی جاری ہو ۔اس واقعہ کی ویڈیو سوشل میڈیاپر وائرل ہوگئی جسے لاکھوں صارفین نے دیکھ لیا۔
روزنامہ دنیا ایپ انسٹال کریں
