برطانوی سائنسدان نے معذروں کیلئے سستی مصنوعی ٹانگ تیار کرلی
برطانیہ میں ایک سائنسدان نے جدید مصنوعی اور سستی ٹانگ بنائی ہے جو معذور لوگوں کی زندگیاں بدل سکتی ہے
لندن (نیٹ نیوز)برطانیہ میں ایک سائنسدان نے جدید مصنوعی اور سستی ٹانگ بنائی ہے جو معذور لوگوں کی زندگیاں بدل سکتی ہے ۔میڈیا رپورٹس کے مطابق جدید مصنوعی بازوؤں اور ٹانگوں کی قیمت ہزاروں ڈالر تک جاتی ہے لیکن برطانوی سائنسدان ایڈ پینگٹن رج نے ایک نئی مصنوعی ٹانگ ایجاد کی ہے جس کی قیمت صرف 125 ڈالر ہے ۔ایڈ پُر امید ہیں کہ ان کی بنائی ہوئی یہ ٹانگ دنیا بھر کے معذور افراد کا سہارا بنے گی ،خاص طور پر ان افراد کیلئے جو ترقی پذیر ممالک سے ہیں جہاں ایسے آلات کیلئے فنڈز کا فقدان ہے یا یہ بہت مہنگے ہوتے ہیں ۔
روزنامہ دنیا ایپ انسٹال کریں
