میکسیکو میں ہزاروں افرادمردوں کا روپ دھارکرسٹرکوں پرآگئے
میکسیکو میں ہر سال کی طرح اس سال بھی لاکترینہ ڈے آف ڈیڈ فیسٹیول کے موقع پر شاندار پریڈ کا انعقاد کیا گیا
میکسیکوسٹی (نیٹ نیوز)میکسیکو میں ہر سال کی طرح اس سال بھی لاکترینہ ڈے آف ڈیڈ فیسٹیول کے موقع پر شاندار پریڈ کا انعقاد کیا گیا،جس کیلئے ہزاروں افراد مُردوں کا روپ دھار کر سڑکوں پر پریڈ کرتے دکھائی دئیے ۔لا کترینہ کا لفظ ڈھانچے کیلئے استعمال کیا جاتا ہے ، اسی لئے میکسیکو سٹی میں لوگ مُردوں کو خراج عقیدت پیش کرنے کیلئے خوفناک روپ اختیار کرتے ہیں۔جنوبی امریکا میں منائے جانے والے مُردوں کے دن لوگ اپنے پیاروں کو یاد کرتے ہیں اور ان کی بخشش کیلئے عبادت کرتے ہیں ۔ میکسیکو میں ڈے آف ڈیڈ ہر سال 2 نومبر کو منایا جاتا ہے ۔
روزنامہ دنیا ایپ انسٹال کریں
