ریلوے سٹیشن پررش ،مسافر کھڑکی سے ٹرین میں سوار ہوگیا
فرانس میں ایک مسافر رش کے باعث ٹرین میں کھڑکی سے سوار ہوگیا،جس کی ویڈیو سوشل میڈیا پر وائرل ہوگئی
پیرس (نیٹ نیوز)فرانس میں ایک مسافر رش کے باعث ٹرین میں کھڑکی سے سوار ہوگیا،جس کی ویڈیو سوشل میڈیا پر وائرل ہوگئی۔ویڈیو میں دیکھا جاسکتا ہے کہ مذکورہ شخص ٹرین کی کھڑکی سے سوار ہونے سے قبل اپنی جیکٹ اتار کر ٹرین کے اندر بیٹھے شخص کو دیتا ہے اور کھڑکی سے ٹرین کے اندر داخل ہوجاتا ہے ۔سوشل میڈیا پر مسافر کی اس حرکت پر اسے تنقید کا نشانہ بنایا جارہا ہے ۔یاد رہے کہ فرانس میں صدر ایمانویل میکرون کی متنازع پنشن اصلاحات کیخلاف ٹرانسپورٹرز کی ہڑتال جاری ہے جس کے سبب مسافروں کو شدید مشکلات کا سامنا ہے ۔
روزنامہ دنیا ایپ انسٹال کریں
