حب پاور کمپنی لمیٹڈ کی آمدن میں 118 فیصد اضافہ
سال 2020کی پہلی ششماہی کے دوران حب پاور کمپنی (حبکو) کی آمدن میں 118 فیصد اضافہ ہوا ہے
کراچی ( بزنس رپورٹر )سال 2020کی پہلی ششماہی کے دوران حب پاور کمپنی (حبکو) کی آمدن میں 118 فیصد اضافہ ہوا ہے ۔ ا سٹاک ایکسچینج کو بھیجے گئے کمپنی کے مالیاتی اعدادوشمار کے مطابق جنوری تا جون 2020 کیلئے کمپنی کو 26.060ملین روپے منافع حاصل ہوا اور کمپنی کی فی حصص آمدن 19.31 روپے رہی۔ رپورٹ کے مطابق جنوری تا جون 2019 کے دوران حبکو نے 11.930 ملین روپے منافع کمایا تھا اور اس کی فی حصص آمدن 9.37 روپے رہی تھی، کمپنی نے اپنے حصہ داروں کیلئے کسی حتمی ڈیوڈنڈ کا ابھی اعلان نہیں کیا ہے ۔
روزنامہ دنیا ایپ انسٹال کریں
