انٹربینک میں ڈالر2.95،تولہ سونادوہزارروپے سستا
کراچی (بزنس رپورٹر )ملکی مبادلہ مارکیٹوں میں بدھ کو ڈالر کی قدرمیں کمی کارجحان رہا ،ادھر فی تولہ سونادوہزارروپے کی کمی سے دولاکھ سے نیچے آ گیا۔ اسٹیٹ بینک کے مطابق انٹربینک میں ڈالر 2.95 روپے کی کمی سے 273.33روپے پر آ گیا۔
فاریکس رپورٹ کے مطابق اوپن مارکیٹ میں ڈالر 4 روپے سستا ہو کر 276روپے کا ہوگیا۔دوسری جانب عالمی مارکیٹ میں سونا11ڈالرکے اضافے سے 1880 ڈالر فی اونس کا ہوگیا ۔ بین الاقوامی مارکیٹ میں سونے کے نرخ میں اضافے کے باوجودمقامی سطح پر فی تولہ سونا دو ہزارروپے کی کمی سے 1لاکھ98ہزار روپے اوردس گرام 1715روپے کی کمی سے 1 لاکھ 69 ہزار 753 پرآگیا۔
روزنامہ دنیا ایپ انسٹال کریں
