برقی پنکھوں کی برآمد 19.760 ملین ڈالر تک پہنچ گئی
اسلام آباد(اے پی پی) برقی پنکھوں کی برآمدات میں گزشتہ مالی سال کے مقابلہ میں رواں مالی سال کے پہلے 9 ماہ کے دوران 4.75 فیصد کا اضافہ ریکارڈ کیاگیا۔
ادارہ شماریات پاکستان کے مطابق جولائی تا مارچ (2023-24)کے دوران 19.760 ملین ڈالر مالیت کے الیکٹرک پنکھے برآمد کیے گئے جبکہ گزشتہ مالی سال میں جولائی تا مارچ (2022-23) کے دوران 18.864 ملین ڈالر کی برآمدات کی گئی تھیں ،اس طرح برآمد میں 4.75 فیصد اضافہ ہوا ہے ۔اعداد و شمار کے مطابق پنکھوں کی برآمدات با لحاظ تعداد بھی 20.48 فیصد بڑھ کر 1,085 ہزار سے 1,307 ہزار ہوگئی ہے ۔
روزنامہ دنیا ایپ انسٹال کریں
