50 فیصد سے زائدسگریٹس کی غیر قانونی فروخت کا انکشاف
کراچی(مانیٹرنگ ڈیسک) پاکستان میں 50 فیصد سے زیادہ سگریٹس کی غیر قانونی فروخت کا انکشاف ہوا ہے ۔
، قانونی سگریٹس کی فروخت میں کمی سے ٹیکس ریونیو میں سالانہ 300 ارب کا نقصان ہو رہا ہے ۔صرف پہلی سہ ماہی کے دوران قانونی سگریٹس کی فروخت میں 80 کروڑ اسٹک کی کمی ہوئی جس کے باعث سگریٹ سیکٹر سے فیڈرل بورڈ آف ریونیو کو حاصل ہونے والے ریونیو میں بھی نقصان ہوا ہے ۔اس حوالے سے مارکیٹ ذرائع کا کہنا ہے کہ جولائی تا ستمبر والیم 7.1 ارب سے کم ہو کر 6.3 ارب اسٹکس پر آگیا۔ رواں سال قانونی سگریٹس کی مارکیٹ سیل میں 4 ارب روپے کی کمی کا خدشہ ہے ۔ صرف ایک ٹیئر ون برینڈ کی سالانہ فروخت 66 کروڑ سے کم ہوکر 30 کروڑ پر آگئی، صوبوں کو اسمگل شدہ سگریٹس کے خلاف کارروائی کے اختیارات دینے سے بہتری کا امکان ہے۔ دوسری جانب، پاکستان سے سوڈان کو 25 کروڑ ڈالر مالیت کے سگریٹ برآمد کرنے کا موقع بھی ضائع ہوگیا ہے۔
