زرعی مشینری اورآلات کی درآمدات میں 46فیصداضافہ
اسلام آباد(اے پی پی)زرعی مشینری اورآلات کی درآمدات میں جاری مالی سال کے پہلے8ماہ کے دوران سالانہ بنیادوں پر46فیصداضافہ ریکارڈ کیاگیا ۔۔
اسٹیٹ بینک کی جانب سے جاری کردہ اعداد وشمارکے مطابق جولائی سے لے کرفروری تک کی مدت میں زرعی مشینری اورآلات کی درآمدات پر77ملین ڈالرزرمبادلہ خرچ ہواجوگزشتہ مالی سال کی اسی مدت کے مقابلے میں 46فیصدزیادہ ہے ۔گزشتہ مالی سال کی اسی مدت میں زرعی مشینری اورآلات کی درآمدات پر53ملین ڈالرزرمبادلہ خرچ ہواتھا۔ فروری کے دوران زرعی مشینری اورآلات کی درآمدات کاحجم 8ملین ڈالرریکارڈکیاگیاجوگزشتہ سال فروری کے 4ملین ڈالرکے مقابلے میں 81فیصدزیادہ ہے ۔جنوری کے مقابلے میں فروری میں زرعی مشینری اورآلات کی درآمدات میں ماہانہ بنیادوں پر48فیصد کمی ہوئی ہے ۔ جنوری میں زرعی مشینری اورآلات کی درآمدات پر15ملین ڈالرخرچ ہوئے تھے۔
روزنامہ دنیا ایپ انسٹال کریں
