اسٹینڈرڈ چارٹرڈ فاؤنڈیشن اور دی برٹش ایشین ٹرسٹ میں شراکت داری کی تجدید
کراچی(بزنس ڈیسک)اسٹینڈرڈ چارٹرڈ فاؤنڈیشن اور دی برٹش ایشین ٹرسٹ نے اپنی شراکت داری کی تجدید کا اعلان کرتے ہوئے ان کے تین سالہ انٹرپرائز ڈیولپمنٹ پروگرام ‘تھرائیونگ فیوچرزکے آغاز پر خوشی کیا اظہار کیا ہے۔۔۔
جو اعلیٰ صلاحیت کے حامل نوجوان مائیکرو انٹرپرائزز کو اُن کی کارکردگی میں اضافہ کرنے اور طویل مدتی استحکام حاصل کرنے میں مدد فراہم کرنے پر توجہ دے گا۔گزشتہ پروگرام کے تحت ہزارسے زائد نوجوان خواتین و حضرات کو بااختیار بنایا گیا تاکہ وہ اپنی زرعی مائیکرو انٹرپرائزز کو ترقی دے سکیں اور انہیں پائیدار بنا سکیں۔ اس مقصد کیلئے کاروباری ترقی، مارکیٹنگ، معیار کی یقین دہانی اور ڈیجیٹل خواندگی کی تربیت پر توجہ دی گئی جس کے نتیجے میں اُن انٹرپرائزز کی آمدنی میں اوسطاً 25 فیصد اضافہ ہوا۔ گزشتہ پروگرام سے حاصل ہونے والے تجربات کی بنیاد پر، ‘تھرائیونگ فیوچرز’ ایک نیا اور بہتر انٹرپرائز ڈیولپمنٹ پروگرام ہوگا جو 900 مائیکرو انٹرپرائز گروپس (جن میں سے 90 فیصد خواتینکی قیادت میں ہوں گے ) کو ترقی دینے اور مستحکم بنانے کے لیے خصوصی اقدامات فراہم کرے گا۔ اس پروگرام کے ذریعے سندھ اور پنجاب میں ایک مضبوط اور زیادہ جامع مائیکرو انٹرپرائز ایکو سسٹم تشکیل دیا جائے گا۔ یہ پروگرام دی برٹش ایشین ٹرسٹ اورعمل درآمد کرنے والے مزید دو شراکت داروں - کاروان کرافٹس فاؤنڈیشن اور شراکت - کے تعاون سے کام کرے گا۔ دی برٹش ایشین ٹرسٹ کی ڈائریکٹر، کاملہ ماروی نے کہا کہ ہمیں خوشی ہے کہ ہم اسٹینڈرڈ چارٹرڈ فاؤنڈیشن کے ساتھ اپنی شراکت کو ‘تھرائیونگ فیوچرز’ کے ذریعے جاری رکھ رہے ہیں۔ اسٹینڈرڈ چارٹرڈ پاکستان کے چیف ایگزیکٹو آفیسر اور ہیڈ آف کوریج، ریحان شیخ، نے کہا کہ دی برٹش ایشین ٹرسٹ کے ساتھ ‘تھرائیونگ فیوچرز’ پروگرام کے آغاز کے لیے اسٹینڈرڈ چارٹرڈ کی شراکت داری ایک نیا تین سالہ اقدام ہے ، جو 900 سے زائد مائیکرو انٹرپرائزز کو ترقی دینے ، مثبت سماجی اثرات پیدا کرنے اور پائیدار روزگار کے مواقع فراہم کرنے میں مدد دے گا۔
