یورپی یونین کو برآمدات میں7.44 فیصد اضافہ ریکارڈ
اسلام آباد(اے پی پی)یورپی یونین کے ممالک کو کی جائے والی میں گزشتہ مالی سال 25-2024کے دوران 7.44 فیصد اضافہ ہوا ۔۔
مالی سال 24۔2023 کے دوران یورپی ممالک کو کی جانے والی برآمدات میں 3.12 فیصد کمی ہوئی تھی۔ اسٹیٹ بینک کے مطابق گزشتہ مالی سال جولائی 2024 تا جون 2025کے دوران یورپی منڈیوں کو کی جانے والی برآمدات کی مالیت 8.863 ارب ڈالر تک پہنچ گئی جبکہ مالی سال 24-2023 کے دوران یورپی ممالک سے برآمدات کی مد میں 8.249 ارب ڈالر کا زر مبادلہ کمایا گیا تھا۔اس طرح برآمدات میں 0.614 ارب ڈالر یعنی 7.44 فیصد کی بڑھوتری ریکارڈ کی گئی ہے ۔ واضح رہے کہ جی ایس پی پلس کی سہولت کے باوجود مالی سال 2023کے مقابلہ میں مالی سال 2024کے دوران یورپی منڈیوں کو کی جانے والی برآمدات میں 3.12 فیصد کی کمی سے برآمدات کی مالیت 8.240 ارب ڈالر رہی تھی۔
روزنامہ دنیا ایپ انسٹال کریں
