صدر ممکت بغداد پہنچ گئے، عراقی ہم منصب سے ملاقات اور باہمی امور پر تبادلہ خیال
بغداد:(دنیا نیوز) صدر مملکت آصف علی زرداری عراق پہنچ گئے اورعراقی ہم منصب سے ون آن ون ملاقات کی۔
بغداد پہنچنے پر صدر آصف علی زرداری کو گارڈ آف آنر پیش کیا گیا، صدر مملکت نے بھرپور استقبال پر صدر عبداللطیف جمال راشد کا شکریہ ادا کیا۔
.jpg)
پاکستان اور عراق کے صدر کے درمیان وفود کی سطح پر بھی مذاکرات ہوئے، اِس موقع پر گفتگو کرتے ہوئے اُن کا کہنا تھا کہ بغداد تہذیب و تمدن اور استقامت کی علامت تاریخی شہر ہے، دورانِ گفتگو پارلیمانی انتخابات کے کامیاب انعقاد پر عراق کی قیادت اور عوام کو مبارکباد دی۔
دوسری جانب آصف زرداری نے نئی حکومت کی تشکیل کیلئے نیک تمناؤں کا اظہار کیا اور دونوں رہنماؤں نے پاکستان عراق تعلقات پر مثبت پیشرفت پر اظہارِ اطمینان کیا۔
علاوہ ازیں اُنہوں نے عوامی اور کاروباری روابط میں اضافے کی ضرورت پر زور دیا۔
