اداکارہ اور ماڈل حنا آفریدی نے منگی کا اعلان کردیا
کراچی :(دنیا نیوز) اداکارہ اور ماڈل حنا آفریدی نے اپنی زندگی کے نئے سفر کا آغاز کرتے ہوئے منگنی کا اعلان کردیا ہے۔
اُنہوں نے سوشل میڈیا کے ذریعے مداحوں کو یہ خوشخبری دی، جس کے بعد شوبز حلقوں اور فینز کی جانب سے مبارکبادوں کا سلسلہ شروع ہو گیا۔
حنا آفریدی نے اپنے کیریئر کا آغاز ماڈلنگ سے کیا تھا اور ملک کے کئی بڑے برانڈز کے ساتھ کام کیا، بعد ازاں انہوں نے اداکاری کے میدان میں قدم رکھا اور فیصل قریشی اور فیروز خان جیسے نامور اداکاروں کے ساتھ اسکرین شیئر کی۔
اداکارہ کی منگنی معروف کانٹینٹ کری ایٹر تیمور اکبر المعروف تیموری سے ہوئی ہے، یہ خبر سامنے آتے ہی مداحوں کے لیے خوشگوار حیرت بن گئی، کیونکہ اُنہوں نے اپنی ذاتی زندگی کو عموماً نجی رکھا۔
حنا آفریدی کی جانب سے زندگی کے اس نئے مرحلے میں داخل ہونے پر شوبز انڈسٹری سے وابستہ شخصیات اور مداحوں نے نیک خواہشات کا اظہار کیا ہے۔
