ٹیکس دہندگان کی شکایات کم وقت میں نمٹا رہے ، وفاقی محتسب
لاہور(اے پی پی)وفاقی ٹیکس محتسب کے کوآرڈینیٹر سیف الرحمان نے کہا ہے کہ ایف ٹی او ڈاکٹر آصف محمود جاہ ٹیکس دہندگان کی شکایات کو 34 دن کے تاریخی کم ترین وقت میں نمٹا رہے ہیں اور ان کی دہلیز پر انصاف کی مفت فراہمی کو یقینی بنا رہے ہیں۔
اتوار کو یہاں تاجر برادری کے ساتھ ایک آگاہی سیشن سے خطاب کرتے ہوئے انہوں نے کہا کہ یہ سنگ میل ایف ٹی او کی طرف سے با وقار انداز میں، تیز رفتاری اور مکمل غیر جانبداری کے ساتھ انصاف کی فراہمی کی تصدیق کرتا ہے۔ انہوں نے کہا کہ جس دن شکایات موصول ہوں اسی دن ان پر کارروائی کی جاتی ہے اور وقت ضائع کیے بغیر متعلقہ دفاتر سے رپورٹس طلب کی جاتی ہیں۔ ایف بی آر ایک ماہ کے اندر فیصلوں پر عمل درآمد کرنے کا پابند ہے جس میں ناکام ہونے پر توہین عدالت کا نوٹس جاری کیا جاتا ہے۔
روزنامہ دنیا ایپ انسٹال کریں
