الائیڈ اور ایفا سکولز میٹرک ہائی اچیور ایوارڈ تقریب کا انعقاد
فیصل آباد(سٹاف رپورٹر)امتحانات میں شاندار کارکردگی کا مظاہرہ کرنے والے طلبا کے لئے الائیڈ اور ایفا سکولز میٹرک ہائی اچیور ایوارڈ تقریب رچنا ریجن میں منعقد ہوئی۔
جس میں مقررین پراجیکٹ ڈائریکٹر ڈاکٹر شاہد محمود ، ریجنل منیجر پروفیسر عمر رحمان اور ریجنل ڈائریکٹر پنجاب گروپ آف کالجز پروفیسر رفعت اقبال سمیت دیگر مہما نوں نے شرکت کی اور بصیرت افروز تقاریر کیں جس سے طلبا کو بہترین کارکردگی کا مظاہرہ کرنے کی ترغیب ملی۔ مہمانوں کا کہنا تھا کہ پنجاب کالجز اور یونیورسٹی آف سنٹرل پنجاب نے الائیڈ اور ایفا سکولوں کے طلبا کے لیے وظائف کا اعلان کیا ہے تاکہ مستحق طلبا کے تعلیمی سفر میں مدد کی جاسکے ۔ ان وظائف کا مقصد طلبا کو اعلیٰ تعلیم حاصل کرنے اور اپنے خوابوں کو حاصل کرنے کے لیے بااختیار بنانا ہے ۔ الائیڈ اور ایفا سکولز مشہور تعلیمی ادارے ہیں جو پورے پاکستان میں طلبا کو معیاری تعلیم فراہم کرنے کے لیے پرعزم ہیں۔ تعلیمی فضیلت، کردار کی نشوونما، اور کمیونٹی کی مصروفیت پر سخت زور دینے کے ساتھ، ہمارے سکول طلبا کو تعلیمی لحاظ سے بہتر بنانے اور معاشرے پر مثبت اثر ڈالنے کے لیے تیار کرتے ہیں۔ طلبا کی کامیابی پر ایوارڈ کی تقریب میں شریک والدین، ماہرین تعلیم، اور کمیونٹی کے ممبران بھی خوش نظر آئے جن کا کہنا تھا کہ آج طلبا کی کامیابی کا جشن منانے کے لیے اکٹھے ہوئے ہیں۔ تقریب میں ثقافتی پرفارمنس پیش کی گئی۔
