فیسکو ریجن سے مزید 45 بجلی چور پکڑے گئے ،33 لاکھ37ہزار کے جرمانے
فیصل آباد(سٹاف رپورٹر)فیسکو ریجن کے آٹھ اضلاع سے مزید 45 بجلی چور پکڑے گئے ۔ جن کو 84 ہزار سے زائد ڈی ٹیکشن یونٹس اور33 لاکھ37ہزار سے زائد کے جرمانے عائد کردیئے گئے ۔
ترجمان فیسکو طاہر محمود شیخ کے مطابق فیسکو ریجن سے 220 روزکے دوران کل 7336 بجلی چور پکڑے گئے ۔ جنہیں ایک کروڑ72 لاکھ سے زائد ڈی ٹیکشن یونٹس اور76کروڑ92لاکھ سے زائدجرمانے کیے گئے ہیں۔ فیسکو ریجن میں مجموعی طور پر7253بجلی چوروں کے خلاف مقدمات کا اندراج ہو چکاہے ۔