ٹوبہ:روز نامہ دنیا کی خبر پر ایکشن ، تجاوزات کے خلاف آپریشن
ٹو بہ ٹیک سنگھ (ڈسٹرکٹ رپورٹر )روز نامہ دنیا کی خبر پر ایکشن ، میونسپل کمیٹی کی طرف سے شہر کے مختلف علاقوں میں تجاوزات کے خلاف آپریشن کیا گیا ، عملہ نے دکانداروں کی طرف سے سڑکوں پر رکھا سامان قبضہ میں لے لیا ۔
اس موقع پر چیف آفیسر میونسپل کمیٹی پیام غنی نے گفتگو میں کہا کہ اینٹی انکروچمنٹ سکواڈ تجاوزات کے خلاف روزانہ کی بنیاد پر آپریشن جاری رکھے گا ، عارضی تجاوزات کو ہٹانے اور دکانداروں کو سامان دکانوں کے احاطہ کے اندر رکھنے کی ہدایات بھی کی جا رہی ،پختہ تجاوزات کو ہیوی مشینری سے ختم کر رہے ہیں ،انتظامیہ کی جانب سے تجاوزات کے مکمل خاتمہ تک آپریشن جاری رہے گا،مسلسل خلاف ورزی کرنے والے دکانداروں کے خلاف سخت ایکشن لیا جائے گا،انسداد سموگ کے حوالے سے میونسپل کمیٹی کا عملہ روزانہ کی بنیاد پر سڑکوں پر چھڑکاؤکر رہا ہے ، دوسری جانب پودوں کی صفائی اور انہیں واٹر گن سے دھویا جا رہا ہے ۔
