منہاج القرآن ویمن لیگ شرقی کے زیر اہتمام محفل میلاد النبیؐ
سرگودھا(سٹاف رپورٹر) منہاج القرآن ویمن لیگ شرقی سرگودھا کے زیراہتمام ڈیرہ الحاج نظام دین آسیا نوالا کانڈ یوال میں خواتین کی سالانہ محفل میلاد مصطفی النبیؐ منعقد ہوئی۔۔۔
جس میں تحریک منہاج القرآن کی کارکنان سمیت خواتین کی بڑی تعداد نے شرکت کی، اور خواتین نعت خوانوں نے حضورؐ کی شان میں نذرانہ عقیدت پیش کیا، جبکہ خصوصی خطاب کرتے ہوئے مرکز ناظمہ زونل لاہور انیلہ الیاس نے کہا کہ ڈاکٹرطاہر القادری نے ہمیشہ اسلام کی ترویج میں اہم کردار ادا کیا، جن کے ویژن کو گلی محلوں کوچوں میں عام کیا جائے گا۔ ہمیں اپنی زندگیاں حضورپاکؐ کے بتائے ہوئے اصولوں پر گزارنی چاہیے ، اور اﷲ کے احکامات اور قرآن پاک کو اپنی زندگی میں اتار کر ہی ہم دنیا و آخرت میں کامیاب زندگی گزار سکتے ہیں، ہم نے قرآن وسنت کوچھوڑدیا ہے جس سے ہم مصیبتوں گھر چکے ہیں ، ڈیرہ الحاج نظام دین آسیا نوالا میں ہزاروں خواتین کا اتنابڑااجتماع لائق تحسین ہے ، ضلعی اور سٹی صدر سمیت تمام عہدیدان مبارکباد پیش کرتی ہواس عظیم اور روحانی محفل میں مسرت شاہین نعت خواں، انجم شہزادی ، ناظمہ ضلعی سرگودھا ، مریم عرفان صدر سٹی ،عاشہ احتشام شرقی صدر،سدرہ المنتہیٰ ناظمہ الہدیہ شرقی سرگودھا سمیت دیگرنے بھی اس عظیم الشان محفل سے خطاب کیا۔
