چنیوٹ پولیس کا منشیات فروشوں کیخلاف کریک ڈاؤن جاری
چنیوٹ(ڈسٹرکٹ رپورٹر )چنیوٹ پولیس کا منشیات فروشوں کیخلاف کریک ڈاؤن جاری ہے ۔ آرگنائزڈ کرائم یونٹ سے اسسٹنٹ سب انسپکٹر نصراﷲ خان نے ٹیم کے ہمراہ کارروائی کرتے ہوئے تھانہ چناب نگر کے علاقہ سے منشیات فروش کاشف کو گرفتار کر لیا۔
فیصل آباد کے رہائشی ملزم کاشف کے قبضہ سے 1250 گرام ہیروئن برآمد ہوئی ، ملزم کیخلا ف تھانہ چناب نگر میں منشیات کی دفعات کے تحت مقدمہ درج ہو چکا ہے اور مزید تفتیش کا عمل جاری ہے ۔ اس حوالے ڈسٹرکٹ پولیس آفیسر عبداﷲاحمد کا کہنا تھا کہ اپنی نسلوں کو منشیات کی لعنت سے بچانے کیلئے ضلع بھر عملی اقدامات کئے جا رہے ہیں ۔ ضلع بھر میں سپیشل مہم کے تحت منشیات فروشوں کیخلاف کریک ڈاؤن جاری ہے ۔ منشیات کے مقدمات کی معیاری تفتیش کو یقینی بناتے ہوئے ملزمان کو سزائیں دلوائی جا رہی ہیں ،منشیات کے مکمل خاتمہ کے لیے عوامی تعاون بے حد ضروری ہے ۔
