چنیوٹ میں آج سے شروع انسداد پولیو مہم کے انتظامات مکمل
چنیوٹ(ڈسٹرکٹ رپورٹر )چنیوٹ بھر میں آج 21 اپریل سے شروع انسداد پولیو مہم کے ضروری انتظامات مکمل ،پانچ روزہ مہم کے دوران پانچ سال تک کی عمر کے 2 لاکھ 97 ہزار 122 بچوں کوپولیو سے بچاؤ کے حفاظتی قطرے پلائے جائینگے۔۔۔
جس کیلئے مجموعی طور پر 1467 ٹیمیں ڈیوٹی پر مامور ہونگی۔ڈپٹی کمشنر صفی اﷲ گوندل نے کہا ہے کہ آئندہ انسداد پولیو مہم کو سوفیصد کامیاب بنانے کے لئے سرتوڑکوششیں کی جائیں اور سابقہ مہم کی خامیوں کا ازالہ ہونا چاہیے ۔ڈپٹی کمشنر نے ہیلتھ اتھارٹی کو مائیکروپلاننگ کے مطابق مہم پر عملدرآمد کرانے کی ہدایت کی اور کہا کہ وطن عزیز کو پولیو فری بنانا ترجیح ہے ،والدین اپنے پانچ سال تک کی عمر کے بچوں کو قطرے پلاکر قومی ذمہ داری پوری کرنے کے ساتھ گھر گھر آنیوالی ٹیموں سے تعاون کریں۔
روزنامہ دنیا ایپ انسٹال کریں
