چنیوٹ:ڈسٹرکٹ پولیس آفیسر کی جامعہ مسجد مدنی میں کھلی کچہری
چنیوٹ(ڈسٹرکٹ رپورٹر )وزیراعلیٰ پنجاب مریم نواز کے ویژن کے مطابق کمیونٹی پولیسنگ کے فروغ کیلئے اقدامات جاری ہیں۔۔۔
ڈسٹرکٹ پولیس آفیسر عبداﷲاحمد نے جمعتہ المبارک کے موقع پر جامعہ مسجد مدنی میں کھلی کچہری لگائی۔کھلی کچہری میں ایس ایچ او تھانہ سٹی،انچارج کمپلینٹ سیل اوردیگر پولیس افسران اور نمازیوں کی کثیر تعداد موجود تھی ۔ڈی پی او عبداﷲاحمد نے شہریوں کے مسائل سنے ،مسائل کے حل کی یقین دہانی کروائی۔ڈی پی او نے متعلقہ افسران کو دادرسی یقینی بنانے کی ہدایت کی۔کمپلینٹ سیل کو درخواستوں کی دادرسی یقینی بنوا کرفالواپ رپورٹ پیش کرنے کی ہدایت کی گئی۔اس موقع پر ڈی پی او نے شرکاءسے خطاب میں کہا کہ مسجد میں کھلی کچہری لگاناحضرت محمد کی سنت ہے تاکہ آپ لوگوں کے مسائل آپ کے پاس آکر سن کر حل کئے جائیں اور کمیونٹی پولیسنگ کو فروغ دیا جائے ۔شہری معاشرتی،اخلاقی برائیوں و جرائم پیشہ عناصر سے متعلق اطلاع دے سکتے ہیں، شہری پویس سے متعلقہ شکایت نوٹ کروا سکتے ہیں، انکی دادرسی یقینی بنائی جائے گی۔ڈی پی او نے مزید کہا کہ لوگوں کے جان و مال کی حفاظت،امن و امان کا قیام اولین ترجیح ہے ۔تمام وسائل بروئے کار لاتے ہوئے پبلک سروس ڈلیوری میں بہتری کیلئے اقدامات جاری ہیں۔شہری کسی بھی مسئلے ،پریشانی یا جرائم پیشہ عناصر سے متعلق ڈی پی او چنیوٹ کے نمبر 0323-7543444 پر دے سکتے ہیں ۔ کھلی کچہری کے اختتام پر امن وا مان کے قیام اور ملکی سلامتی کی خصوصی دعا کی گئی۔
