ڈی پی او چنیوٹ کی جامعہ مسجد نثار الٰہی میں کھلی کچہری
چنیوٹ(ڈسٹرکٹ رپورٹر)وزیراعلیٰ پنجاب مریم نواز کے ویژن کے مطابق کمیونٹی پولیسنگ کے فروغ کیلئے اقدامات جاری ہیں،ڈسٹرکٹ پولیس آفیسرچنیوٹ عبداﷲ احمدنے جمعۃ المبارک کے موقع پر جامعہ مسجد نثار الٰہی فیصل آباد روڈ بالمقابل اسلامیہ کالج میں کھلی کچہری لگائی جس میں ایس ایچ او تھانہ سٹی،انچارج کمپلینٹ سیل اوردیگر پولیس افسران اور نمازیوں کی کثیر تعداد موجود تھی ۔
ڈی پی او نے شہریوں کے مسائل سنے اور حل کرانے کی یقین دہانی کرواتے ہوئے متعلقہ افسران کو ہدایات جاری کر دیں ۔انہوں نے کمپلینٹ سیل کو درخواستوں کی دادرسی یقینی بنوا کرفالواپ رپورٹ پیش کرنے کی بھی ہدایت کی ۔ڈی پی او نے پنجاب پولیس کی مختلف سروسز سے متعلق شرکاء کو بریفنگ دی،ڈی پی او نے شرکاء کو محرم الحرام میں مذہبی رواداری و فرقہ وارانہ ہم آہنگی کے فروغ میں اپنا کردار ادا کرنے کی ہدایت کی۔ڈی پی او عبداﷲاحمدنے شرکاء سے خطاب میں کہا کہ مسجد میں کھلی کچہری لگانا حضرت محمد ؐ کی سنت ہے تاکہ آپ کے مسائل آپ کے پاس آکر سن کر حل کئے جائیں ، کمیونٹی پولیسنگ کو فروغ دیا جائے ،شہری معاشرتی،اخلاقی برائیوں و جرائم پیشہ عناصر سے متعلق اطلاع دے سکتے ہیں۔انہوں نے مزید کہا کہ شہری پویس سے متلعقہ شکایت نوٹ کروا سکتے ہیں،انکی دادرسی یقینی بنائی جائے گی،لوگوں کی جان و مال کی حفاظت،امن و امان کا قیام اولین ترجیح ہے ۔تمام وسائل بروئے کار لاتے ہوئے پبلک سروس ڈلیوری میں بہتری کیلئے اقدامات جاری ہیں۔شہری کسی بھی مسئلے ،پریشانی یا جرائم پیشہ عناصر سے متعلق ڈی پی او چنیوٹ کے نمبر 0323-7543444پر اطلاع دے سکتے ہیں۔نمازیوں نے مساجد میں کھلی کچہریوں کے اقدام کو سراہا۔
