جی سی ویمن یونیورسٹی ، استحصال کشمیر پر بطور یوم سیاہ منایا گیا
فیصل آباد(سٹاف رپورٹر)گورنمنٹ کالج ویمن یونیورسٹی فیصل آباد میں یومِ استحصال کشمیر بطور یوم سیاہ منایا گیا ۔ مقبوضہ کشمیر کے عوام کے ساتھ اظہارِ یکجہتی اور آرٹیکل 370 کے غیر قانونی خاتمے کی شدید مذمت کے لیے احتجاجی ریلی کا انعقاد کیا گیا۔
ریلی کی قیادت یونیورسٹی کی وائس چانسلر پروفیسر ڈاکٹر کنول امین نے کی۔ شرکاء سے خطاب کرتے ہوئے انہوں نے کہا کہ آرٹیکل 370 کی غیر قانونی منسوخی اور مقبوضہ کشمیر میں جاری انسانی حقوق کی سنگین خلاف ورزیاں بین الاقوامی برادری کے لیے لمحۂ فکریہ ہیں۔ گورنمنٹ کالج ویمن یونیورسٹی کشمیری بھائیوں اور بہنوں کے ساتھ مکمل یکجہتی کا اظہار کرتی ہے ۔ ہم اقوامِ متحدہ اور عالمی اداروں سے مطالبہ کرتے ہیں کہ وہ انسانی حقوق کے تحفظ اور کشمیری عوام کے حقِ خودارادیت کے لیے منظور شدہ قراردادوں پر عملدرآمد یقینی بنائیں تاکہ انصاف فراہم کیا جا سکے ۔ ڈائریکٹوریٹ آف اسٹوڈنٹ افیئرز اور شعبہ اکنامکس کے اشتراک سے کی گئی ریلی میں اساتذہ، عملے اور طالبات کی بڑی تعداد نے شرکت کی۔ ۔
