پنڈی بھٹیاں :مضر صحت گوشت بیچنے والا قصاب گرفتار
پنڈی بھٹیاں (نامہ نگار)مین بازار میں شہریوں کی شکایت پر محکمہ لائیو سٹاک اور پولیس نے مضر صحت گوشت فروخت کرنے والے قصاب کو گرفتار کر لیا، قصاب نیاز عرف بلا اپنی د کان پر مضر صحت گوشت فروخت کر ر ہاتھا۔
شہریوں کی شکایت پر اسسٹنٹ کمشنر پنڈی بھٹیاں نے پولیس اور محکمہ لائیو سٹاک کے عملہ کو گوشت کی چیکنگ کے بعد کارروائی کرنے کی ہدایت کی جس پر قصاب کو گوشت سمیت رنگے ہاتھوں گرفتار کر لیا گیا ، بعدازاں ملزم کی نشاند ہی پر گھر میں فریزر میں رکھا مزید مضر صحت گوشت بھی برآمد کر لیا ۔محکمہ لائیوسٹاک کے انچارج ڈاکٹر حسن نے ملزم کے خلاف مقدمہ درج کرا دیا۔ اطلاعات کے مطابق ملزم عرصہ دراز سے بیمار اور لاغر جانوروں کا گوشت فروخت کر رہا تھا، تھانہ سٹی پولیس نے ملزم کو گرفتار کرکے قانونی کارروائی شروع کردی۔
روزنامہ دنیا ایپ انسٹال کریں
