اداروں کو روش تبدیل کرنا ہوگی:جماعت اسلامی
وزیرآباد(نا مہ نگار)جماعت اسلامی کے امیدوار قومی سمبلی ناصر محمود کلیر،امیدوار صوبائی اسمبلی مشتاق بٹ نے کہا ہے کہ 8فرور ی کو ملک توڑنے ،اسرائیل کو تسلیم کرنے ۔۔۔
کشمیر کو فروخت کرنے کے ایجنڈے کو لیکر چلنے والی پارٹیوں کو شکست ہو گی،یہ عوام پر منحصر ہے وہ اس ایجنڈے پر عمل پیرا پارٹیوں کو دوبارہ اقتدار میں لانا یا ملک کو بچانا چاہتے ہیں،اداروں کو اپنی روش تبدیل کرنا ہوگی۔وہ جماعت اسلامی کے رہنما محمد جاوید ممبر کی والدہ،عبد الخالق بٹ کے والد سابق کونسلر عبد المالک بٹ،بھروکی چیمہ میں جبار بٹ اور محمد جبران کی وفات پر اظہار تعزیت کے بعد میڈیا سے گفتگو کررہے تھے ۔اس موقع پر پیر راجہ محمد اعجاز اللہ خان،صابر حسین بٹ،محمد رفیق نعیم،محمد رضوان بٹ بھی موجودتھے ۔انہوں نے کہا کہ جنگ بندی قرار داد امریکہ سے اسرائیل کو قتل عام کا اجازت نامہ ملا امریکہ نے اسلحہ بھی اسرائیل کو دیا خون بہانے کا ذمہ دار امریکہ ہے ۔انہوں نے کہا کہ غزہ کیلئے سلامتی کونسل کی بے عملی تشویشناک ہے ، قوم8فروری کو نواز شریف اور زرداری خاندان کا احتساب کرے گی ۔
