گجرات:1کلو ہیروئن، 21کلو بھنگ،10لیٹر شراب برآمد
گجرات(سٹی رپورٹر،نامہ نگار )گجرات پولیس کا منشیات فروشوں اور ناجائز اسلحہ برداروں کے خلاف آپریشن جاری، تھانہ سول لائن پولیس نے مختلف کاروائیوں کے دوران 1کلو سے زائد ہیروئن، آدھاکلو چرس،21کلو گرام بھنگ،10لیٹر شراب اور پسٹل 30بور برآمد کرلئے ۔
تفصیلات کے مطابق ایس ایچ اوتھانہ سول لائن SIفواد سلیم نے اپنی پولیس ٹیم کے ہمراہ منشیات فروشوں کے خلاف کاروائیاں کرتے ہوئے 4ملزمان کو گرفتار کر لیا۔ گرفتار ملزمان میں احتشام ارشد ولد ارشد جاوید سے 235گرام چرس برآمد کرلی۔ ملزم اسد اللہ بابر ولد بابرحسین سکنہ ملک پور چوہدو سے 260گرام چرس برآمد کرلی۔ ملزم خرم شہزاد عرف گولی ولد محمد صدیق سکنہ محلہ چاہ بیری والا سے 1120گرام آئس برآمد کرلی۔ ملزم عامر سجادولد غلام قادر سکنہ محلہ چاہ بڈھے والا سے 21کلو گرام بھنگ برآمد کرلی۔ملزم عمران ولد رفیق سکنہ جٹوکل سے 10لیٹر شراب برآمد کرلی گئی جبکہ اسلحہ ناجائز کے خلاف کاروائی کرتے ہوئے ملزم محمد شعیب ولد برکت علی سے پسٹل 30بور اور 6عدد گولیاں برآمد کرلی۔ ملزم عقیل حسین ولد وکیل سکنہ بنگلہ منڈی گجرات سے میگزین اور5عدد گولیاں پسٹل 30بو ربرآمد کرلی۔گرفتار ملزمان کے خلاف الگ الگ مقدمات درج کر کے تفتیش کا آغاز کر دیا گیا ۔
