عوام بہتر مستقبل کیلئے پیپلز پارٹی کا ساتھ دیں :ارشاد اللہ
وزیر آباد(نا مہ نگار) پیپلزپارٹی غریب مزدور کسان اور پسے ہوئے طبقہ کی نمائندہ جماعت ہے عوام خوشحال پاکستان اور بہتر مستقبل کیلئے بلاول بھٹو زرداری کا ساتھ دیں۔
ان خیالات کا اظہار پیپلزپارٹی ضلع گوجرانوالہ کے جنرل سیکرٹری ارشاد اللہ سندھو نے پارٹی پرچم لگائو اور عوامی رابطہ مہم کے سلسلے میں پیپلزپارٹی وزیر آباد کے صدر شفقت رضا بھنڈر سیکرٹری اطلاعات عامر مغل پیپلزپارٹی سٹی گوجرانوالہ کے رہنما باؤ محمدایوب مہر امیدوار قومی اسمبلی این اے 78 گوجرانوالہ،طارق محمود مغل پیپلزپارٹی سوہدرہ کے صدر مہر مظہر فاروق پپو مہر و دیگر پارٹی عہدیداروں اور کارکنان کے ہمراہ سوہدرہ میں گھروں ،دفتروں، کارخانوں اور ڈیروں پر پارٹی پرچم لگانے اور پارٹی کے پرانے اور نظریاتی ساتھیوں سے ملاقات کے بعد اجلاس سے خطاب کرتے ہوئے کیا۔ اس موقع پر پیپلزپارٹی سوہدرہ کے عہدیدار وں و کارکنان کو 30 نومبر کو ٹرسٹ پلازا گوجرانوالہ میں پیپلزپارٹی ضلع گوجرانوالہ کے زیر اہتمام ہونے والی یومِ تاسیس مرکزی تقریب میں شمولیت کی دعوت دی ۔
