پٹرولنگ پوسٹ سیوکی پر ڈرائیونگ لائسنس سنٹر کا قیام
گوجرانوالہ (کرائم رپورٹر)ڈی آئی جی پنجاب ہائی وے پٹرول ڈاکٹر اطہر وحید نے پولیس پٹرولنگ پوسٹ سیوکی ڈسٹرکٹ سیالکوٹ پر ڈرائیونگ لائسنس سنٹر کا افتتاح کر دیا ۔
ایس پی پٹرولنگ ریجن گوجرانوالہ فاروق احمد بھٹہ، ڈی ایس پی پٹرولنگ ڈسٹرکٹ سیالکوٹ احسان ظفر سندھو اور دیگر سینئر افسر بھی اس موقع پر موجود تھے ۔ تقریب سے خطاب میں ڈی آئی جی پنجاب ہائی وے پٹرول ڈاکٹر اطہر وحید نے کہا کہ پٹرولنگ پولیس جرائم کے خاتمے کے ساتھ ساتھ اہل علاقہ کو پٹرولنگ پولیس پوسٹ پر ذیل سہولیات بھی فراہم کرے گی جن میں ڈرائیونگ لائسنس، گمشدہ بچوں کی تلاش میں مدد، گمشدگی رپورٹ، ایف آئی آر کی کاپی ، خواتین پر تشدد کی رپورٹ، کرایہ دار وں کی رجسٹریشن ،جرم کی اطلاع اور ڈرائیونگ لائسنس شامل ہیں مزید برآں ایس پی پنجاب ہائی وے پٹرول فاروق احمد بھٹہ نے پٹرولنگ پولیس پوسٹ گلوٹیاں موڑ ڈسٹرکٹ سیالکوٹ اور پٹرولنگ پولیس پوسٹ اڈا بستان ڈسٹرکٹ نارووال پر بھی ڈرائیونگ لائسنس سنٹر کا افتتاح کر دیا ۔
