شیر فروشوں نے دودھ50روپے لٹر،دہی80روپے کلو مہنگا کر دیا،انتظامیہ بے بس
گوجرانوالہ (نیوز رپورٹر)گوجرانوالہ میں دودھ اور دہی کی قیمت کنٹرول نہ ہوسکی ،دودھ220 سے 230روپے ۔۔
جبکہ دہی 250روپے فی کلو گرام کے حساب سے فروخت ہونے لگا ۔ گوجرانوالہ میں دودھ فروشوں نے اپنے ہی نرخ مقرر کرلئے ۔ پہلے صرف تین سے چار دودھ فروشوں نے دودھ اور دہی کی قیمتوں میں اضافہ کیا جن کی دیکھا دیکھی دیگر دودھ فروشوں نے نے بھی قیمتوں میں اضافہ کر دیا۔ضلعی انتظامیہ کی جانب سے جو ریٹ لسٹ جاری کی گئی ہے اس کے مطابق دودھ کی قیمت 170روپے فی لٹر ہے جبکہ دہی کی 180روپے فی کلو گرام ہے لیکن گوجرانوالہ میں کسی بھی جگہ اس ریٹ پر دودھ اور دہی فروخت نہیں ہو رہا۔وحدت کالونی ،پیپلز کالونی ،سیٹلائٹ ٹائون ،باغبانپورہ ،ماڈل ٹائون ،فتو منڈٖ ،گرجاکھ کے علاقوں میں دکاندار کھلے عام مہنگا دودھ فروخت کر رہے ہیں جبکہ انتظامیہ بے بس ہو گئی ہے ۔شہریوں کا کہنا ہے کہ پرائس کنٹرول مجسٹریٹس جرمانہ کر کے چلے جاتے ہیں ،انتظامیہ مہنگا دودھ فروخت کرنے والوں کے خلاف مقدمات درج کرے اوردو دوماہ کیلئے جیل میں بند کیا جائے ۔
