سنی علماء کونسل کا آبپارہ چوک میں دفاع صحابہ مارچ
اسلام ا ٓباد (اپنے رپورٹرسے ) مقدسات ہمارے ایمان کا حصہ ہیں، ان کی شان میں کسی قسم کی گستاخی ناقابل برداشت ہے ،صدر ترمیمی بل پر دستخط نہ کر کے دونوں ایوانوں کی توہین کر رہے ہیں۔۔۔
ناموس صحابہ واہلبیت ترمیمی بل کو قانون کا حصہ بنا کر فوری طور پر نافذ کیا جائے،اگر بل کے خلاف کوئی سازش کی گئی تو پھر ملک بھر سے اہلسنت عوام اسلام آباد کی طرف مارچ کریں گے ،گلگت بلتستان میں پاکستان کے خلاف کے نعرے لگانے والوں پر غداری کا مقدمہ درج کرکے فوراً گرفتار کیا جائے،ان خیالات کا اظہار سنی علماء کونسل کے سربراہ علامہ محمد احمد لدھیانوی، مرکزی ڈپٹی سیکرٹری جنرل علامہ مسعودالرحمن عثمانی، حافظ مقصود احمد،قاری عبدالوحید، مولانا ظہور الٰہی، ملک مظہر جاوید ایڈووکیٹ، مولانا حفیظ الرحمن محمدی،راجہ وسیم احمد، مولانا عبدالوحید قاسمی،حافظ نصیر احمد،مولانا عبدالرحمن معاویہ،مفتی تنویر عالم فاروقی،قاری افتخار فاروقی، قاری منیر فاروقی ودیگر نے آبپارہ چوک سے نکلنے والے دفاع صحابہ و دفاع پاکستان مارچ کے شرکاء سے خطاب کرتے ہوئے کیا،مقررین نے کہا کہ تمام مسالک پر مشتمل اسلام آباد میں آل پارٹیز کانفرنس بلائی جائے گی۔
