برطانوی ہا ئی کمیشن میں کنگ چارلس کی سالگرہ ، احسن اقبال کی شر کت
اسلام آباد(خصوصی رپورٹر)برطانوی ہائی کمیشن کی جانب سے کنگ چارلس III کی سالگرہ کی تقریب منعقد کی گئی، ہائی کمشنر جین میریٹ نے اسلام آباد میں کنگ چارلس IIIکی 76ویں سالگرہ منانے کے لیے مہمانوں کا استقبال کیا۔
تقریب میں وفاقی وزیر احسن اقبال نے بطور مہمان خصوصی شرکت کی جبکہ کراچی میں وزیر اعلیٰ سندھ مراد علی شاہ بطور مہمانِ خصوصی تقریب میں شریک ہوئے ۔اس موقع پر پاکستان کے دورے پر آئے ہوئے برطانوی فوج کی سب سے قدیم فعال رجمنٹ، آرٹلری کمپنی رجمنٹل بینڈ نے دونوں شہروں میں منعقدہ تقریب اور پاکستان ما نو منٹ میں اپنے فن کا مظاہرہ کیا۔ برطانوی ہائی کمشنر جین میریٹ نے کہاکہ برطانوی فلمیں، ٹی وی ڈرامے ، موسیقی اور فیشن دنیا بھر میں مقبول ہیں اور یہی وہ عناصر ہیں جو برطانیہ اور پاکستان کے درمیان گہرے تعلقات کو مزید مضبوط بناتے ہیں۔اسلام آباد میں راک بینڈ خودغرض کی پرفارمنس نے شائقین سے خوب داد وصول کی۔
