انڈر پاس کی تعمیر، مال روڈ ایم ایچ تا ٹی ایم چوک آج بند
راولپنڈی (خبرنگار) مال روڈ انڈر پاس کی تعمیر کے دوران سٹی ٹریفک پولیس کی جانب سے جاری متبادل ٹریفک پلان آ ج سے نافذ العمل ہو گا ،مال روڈ پر انڈر پاس کی تعمیر کا کام آج 24فروری 2025سے شروع کیا جا رہا ہے۔
تعمیراتی کام کے دوران مال روڈ کو ایم ایچ ہسپتال سے ٹی ایم چوک تک عارضی طور پر مکمل بند کر دیا جائے گا اور ایم ایچ چوک سے ٹی ایم چوک کی طرف جانے والی ٹریفک کو مال روڈ کے متوازی حیدر روڈ پر منتقل کیا جائے گا، جہاں سے ٹریفک مریڑ چوک ، مری روڈ اور راشد منہاس روڈ کا استعمال کرتے ہوئے کچہری چوک کی جانب باآسانی جا سکے گی ، اس سلسلہ میں حیدر روڈ اور مری روڈ پر جنگ بلڈنگ یو ٹرن تک کسی قسم کی پارکنگ کی اجازت نہیں ہو گی ۔
روزنامہ دنیا ایپ انسٹال کریں
