5سے 16سال تک مفت تعلیم ہر بچے کا حق ہے، رزینہ عالم
اسلام آباد (خصوصی رپورٹر) 5سے 16سال تک مفت اور لازمی تعلیم ہر بچے کا دستوری حق ہے، ہمیں اپنے اپنے حصے کی شمع جلانا ہو گی۔
ان خیالات کا اظہار نظریہ پاکستان کونسل کے ذیلی ادارے تعلیم نیٹ ورک پاکستان کی چیئرپرسن سینیٹر رزینہ عالم خان نے بورڈ آف ڈائریکٹرز کے اجلاس کی صدارت کرتے ہوئے کیا۔ اجلاس میں ایگزیکٹو ممبر صلاح الدین چودھری، نرگس ناصر، ڈاکٹر محمد افضل بابر، ڈاکٹر محمد سلیم، ملک حامد سلطان، حمید قیصر، امتیاز علی قریشی نے شرکت کی۔ ڈاکٹر محمد سلیم نے بانیان پاکستان، نظریہ اسلام و پاکستان، دو قومی نظریہ، قرار داد مقاصد و پاکستان اور تحریک آزادی پاکستان پر بنائے گئے خوبصورت چارٹس پیش کیے جن کو فائنل منظوری کے بعد تمام سرکاری و نجی تعلیمی اداروں میں آویزاں کیا جائیگا۔
روزنامہ دنیا ایپ انسٹال کریں
