قومی شناختی کارڈز کی تجدید سمیت دیگر سہولتیں ڈاک خانوں میں بھی دستیاب
کراچی (آن لائن)نادرا سینٹرز پر لمبی قطاروں سے بیزار شہریوں کے لیے اچھی خبر ہے کہ بغیر قطار و انتظار قومی شناختی کارڈز کی تجدید سمیت دیگر متفرق سہولتیں اب ڈاک خانوں میں بھی دستیاب ہیں۔
کراچی کے 10 جی پی اوز میں شہریوں کے لیے قومی شناختی کارڈز کے حوالے سے سہولتوں کی فراہمی کے لیے کاؤنٹرز بنائے گئے ہیں۔جی پی اوز میں نادرا کی سہولتوں کی فراہمی کے لیے نادرا سسٹم سے منسلک آلات نصب ہیں۔ پوسٹ آفس کاؤنٹرز پر شناختی کارڈز کی تجدیدکی سہولت موجود ہے ، گمشدہ شناختی کارڈز کے متبادل کا اجرائبھی ان کاؤنٹرز پر موجود ہے ۔شناختی کارڈز کی میعاد ختم ہونے کے ایک سال تک پوسٹ آفس سے تجدید کرائی جا سکتی ہے ۔ پوسٹ آفس میں خونی رشتے (بلڈ ریلیشن) کے بائیو میٹرک کی سہولت دستیاب نہیں ہے ، البتہ فارم کی 16 گریڈ کے آفیسر سے تجدید لازمی ہے ۔نادرا حکام کے مطابق گھر کے پتے کی تبدیلی، دستخط اور تصویر میں ترمیم بھی ڈاک خانے سے کرائی جا سکتی ہے ۔پاکستان پوسٹ آفس پر ایف آر سی اور ب فارم کے اجراء کی سہولتیں دستیاب نہیں ہیں۔
