لیاقت آباد میں کار سوار ملزمان مویشیوں سے بھرا ٹرک چھین کر فرار
کراچی(مانیٹرنگ ڈیسک)لیاقت آباد میں کار سوار ملزمان مویشیوں سے بھرا ٹرک چھین کر فرار ہوگئے ۔عید قربان کے قریب آتے ہی شہر میں مویشی چھیننے کی واردات شروع ہوگئیں۔
بھینس کالونی سے خریدے گئے مویشی لیاقت آباد کے قریب چھین لیے گئے ، واردات تعاقب کرتے کار سوار ملزمان نے انجام دی۔متاثرہ شہری محمد نعیم قریشی ٹرک میں 3 مویشی لاد کر اورنگی ٹاون کی جانب جارہا تھا، ڈاکوؤں نے اسلحے کے زور پر ڈرائیور کو ٹرک سے اتارکر اپنی گاڑی میں سوار کیا۔ملزمان مویشیوں سے بھرا ٹرک خود لیکر روانہ ہوگئے ، کچھ فاصلے پر جاکر ٹرک ڈرائیور کو بھی اتاردیا، خالی ٹرک نیپا چورنگی کے قریب سے مل گیا۔مویشی چھیننے کی واردات 9 مئی کوانجام دی گئی، واقعے کا مقدمہ 10 مئی کو لیاقت آباد میں متاثرہ شہری کی مدعیت میں درج کیا گیا ہے۔ چھینے گئے مویشیوں کی قیمت 6 لاکھ روپے سے زائد تھی۔
روزنامہ دنیا ایپ انسٹال کریں
