ماڑی پور میں ٹریلر نے راہگیر خاتون کو کچل دیا
کراچی(مانیٹرنگ ڈیسک)ماڑی پور روڈ پر ٹریلر نے راہگیر خاتون کو کچل کر ہلاک کر دیا ۔تفصیلات کے مطابق ماڑی پور روڈ قبا مسجد کے قریب ٹریفک حادثے میں خاتون جاں بحق ہوگئی۔۔۔
جس کی لاش ایدھی کے رضا کاروں نے ضابطے کی کارروائی کے لیے سول اسپتال پہنچائی۔ریسکیو حکام کا کہنا ہے کہ متوفیہ راہگیر تھی جس کی فوری طور پر شناخت نہیں ہوسکی جبکہ اس کی عمر 35 سال کے قریب بتائی جا رہی ہے ۔پولیس کا کہنا ہے کہ ڈرائیور موقع سے فرار ہوگیا تاہم پولیس نے ٹریلر کو اپنے قبضے میں لیکر کلینر کو بھی حراست میں لے لیا ہے اور اس حوالے سے مزید تحقیقات کی جا رہی ہے ۔دریں اثنا ملیر ہالٹ کے قریب ریلوے ٹریک پر ٹرین کی ٹکر سے 50 سالہ سبحان علی جاں بحق ہوگیا۔
روزنامہ دنیا ایپ انسٹال کریں
